Невыпадкова, што Дзень беларускага пісьменства і друку праводзіцца ў першыя дні новага навучальнага года. Адукацыя, інфармацыя і культура - тры галіны, якія  фарміруюць інтэлектуальную эліту нацыі, яе сучаснае і будучае. У гэты дзень мы аддаём даніну павагі нашым продкам, якія стварылі падмурак беларускай адукацыі і пісьменства.

Кніжная выстава “Славутыя постаці кніжнай гісторыі”, аформленая ў цэнтральнай раённай бібліятэцы імя Т.Хадкевіча,  запрашае ўсіх неабыякавых да беларускага друкаванага слова, гісторыі і культуры, здзейсніць гістарычнае падарожжа па кніжных выданнях.