Кожны край славіцца сваімі паэтамі і пісьменнікамі – мастакамі слова, якія сілай уласнага таленту дапамагаюць людзям спасцігаць прыгажосць роднай зямлі, яе гісторыю, абуджаюць патрыятычныя пачуцці, фарміруюць нацыянальную самасвядомасць. Не выключэнне і наша Верхнядзвіншчына – самы паўночны  куточак Беларусі.

19 верасня аддзел абслугоўвання і інфармацыі арганізаваў для чытачоў бібліятэкі літаратурную гадзіну “Скарбонка літаратурнай Верхнядзвіншчыны”. Прысутныя пазнаёміліся з творчасцю пісьменнікаў і паэтаў, якія праслаўляюць наш Верхнядзвінскі край, імёны якіх занесены на літаратурную карту Верхнядзвіншчыны.

Да мерапрыемства была падрыхтавана кніжная выстава і мультымедыйная прэзентацыя.