30 студзеня ў чытальнай зале раённай бібліятэкі адбылася сустрэча з Галінай Загурскай – паэткай, мастаком, настаўніцай. Галіна Пятроўна – член Саюза пісьменнікаў Беларусі, лаўрэат Літаратурнай прэміі імя Уладзіміра Караткевіча, пераможца абласнога конкурсу паэзіі, прысвечанага Году культуры. Больш дзесяці гадоў з’яўлялася рэдактарам народнага літаратурнага аб’яднання “Наддзвінне”, займаецца перакладамі з рускай на беларускую мову. 

Прыхільнікам беларускага паэтычнага слова была прапанавана прэзентацыя чарговага зборніка вершаў Галіны Загурскай “Бераг зарападаў”. На мерапрыемства прыйшлі прадстаўнікі творчай інтэлегенцыі, удзельнікі аматарскага аб’яднання “Сучаснік”, бібліятэкары, землякі Галіны Пятроўны.