16 чэрвеня ў аграгарадку Каханавічы  адбылася Міжнародная навуковая канферэнцыя “Праблемы гісторыі і культуры пагранічча: гуманітарныя веды і выклікі часу”, прысвечаная 200-годдзю І.Я. Храпавіцкага.

На мерапрыемстве прысутнічалі:  навуковыя супрацоўнікі з Мінска, Віцебска, Полацка; супрацоўнікі Верхнядзвінскай цэнтралізаванай бібліятэчнай сістэмы, Верхнядзвінскага гісторыка-краязнаўчага музея, мясцовыя жыхары. Завочна ў канферэнцыі  ўдзельнічалі  навуковыя супрацоўнікі з Расіі, Польшчы, Казахстана, Украіны, Узбекістана. Іх працы ўвайшлі ў зборнік “Проблемы истории и культуры пограничья: гуманитарные знания и вызовы времени”. Увазе прысутных была прапанавана кніжная выстава “Вяртанне Ігната Храпавіцкага”, аформленая работнікамі аддзела абслугоўвання Верхнядзвінскай ЦРБ. Пасля канферэнцыі прысутныя наведалі сядзібна-паркавы комплекс Храпавіцкіх, усклалі кветкі да магіл І. Храпавіцкага і яго жонкі.