У рамках абласнога марафону “Размаўляй і натхняй” у Шайцераўскай сельскай бібліятэцы-філіял №49, для ўдзельнікаў гуртка “Чамучкі” было праведзена гучнае чытанне “Чытаем вершы па-беларуску”.

У гэты дзень асаблівая ўвага была нададзена кнігам на роднай мове, падрыхтавана кніжная выстава для дзяцей “Роднай мовы гук чароўны”. Бібліятэкар прапанавала прачытаць выразна верш на беларускай мове, кожны падабраў сабе верш па густу. Дзеці с задавальненнем чыталі вершы беларускіх аўтараў: Івана Муравейкі, Вольгі Любашынай, Васіля Жуковіча, Ніны Галіноўскай, Казіміра Камейшы і інш. Усе ўдзельнікі мерапрыемства атрымалі добры настрой, новыя веды і смачныя падарункі.